LOADING . . .
Last updated: 16 february 2021
Sağlamlıq haqqında məlumatların məxfiliyinə dair bildiriş “Ezgil” Medical Technologies şirkəti tərəfindən hazırlanmış “Burla Xatun” (Burla Xatun) mobil tətbiqi www.Burlaxatun.az ünvanında və hazırki İstifadə Qaydalarına keçidləri olan digər əlaqədar vebsaytlarda (o cümlədən, www.Burlaxatun.az ünvanında yerləşən vebsaytda) və mobil tətbiqlərdə (birlikdə “Mobil Tətbiq və Sayt”) fəaliyyət göstərir. “Burla Xatun” vasitəsilə Xidmətlər göstərən Tibb Mütəxəssisləri ümumilikdə “Burla Xatun peşəkarları” adlandırılan, müstəqil peşəkarlardır və ya müvafiq tibb müəssisələrinin tərkibində fəaliyyət göstərir. Məxfilik Siyasətimizin bu bölməsində (I Bölmə, “Sağlamlıq haqqında məlumatların məxfiliyinə dair bildiriş” və ya “Bildiriş”) “Burla Xatun” Peşəkarlarının (və ya Burla Xatun peşəkarlarının adından çıxış edən zaman mütəxəssislər) sizin haqqınızda sağlamlıq məlumatlarından necə istifadə edə biləcəklərini və onları necə açıqlayacaqlarını və sizin bu məlumatlara necə daxil olacağını təsvir edir. Diqqətlə bu bölməyə nəzər yetirin.
“Burla Xatun” vasitəsilə online (virtual) tibb və klinik xidmətlər göstərən tibb mütəxəssisləri kimi (“Tibb Mütəxəssisləri”, “bizi/ bizə”, “biz”, “bizim”) biz başa düşürük ki, siz və sağlamlığınız haqqında olan məlumatlar şəxsi məlumatlardır. Buna görə də, biz, sağlamlığınız haqqındakı məlumatların məxfiliyini qorumağa çalışırıq. Biz davamlı olaraq inzibati, fiziki və texniki vasitələrlə həmin məlumatları qorumağa və digər şəkildə tətbiq olunan dövlət qaydalarına əməl etməyə çalışırıq.
Sağlamlıq məlumatlarınızı müalicə, ödəniş və səhiyyə əməliyyatları kateqoriyalarına aid hesab etdiyi normal fəaliyyətlər üçün istifadə edirik. Aşağıda həmin fəaliyyətlərə dair nümunələr təqdim olunur, baxmayaraq ki, hər bir kateqoriyaya daxil olan hər bir istifadə və ya açıqlama halı qeyd olunmur:
Müalicə – Bizə təqdim etdiyiniz sağlamlıq məlumatlarının qeydiyyatını aparırıq. Bura sizin analizlərinizin nəticələri, diaqnozlarınız, istifadə etdiyiniz dərman vasitələri, dərman vasitələrinə reaksiyanız və ya digər terapiyalar və online Xidmətlər vasitəsilə tibbi vəziyyətiniz barədə əldə etdiyimiz məlumatlar daxil ola bilər. Biz bu məlumatları digər həkimlərə, orta tibb personalına və laboratoriya kimi qurumlara sizin sağlamlığınızın mühafizəsi və sizin tibbi qayğıya olan ehtiyaclarınızı qarşılamaq üçün istifadə edir və açıqlaya bilərik.
Ödəniş – Biz sizə qayğı göstərən zaman əldə etdiyiniz xidmətləri və təminatları, sizin, sığorta şirkətinizin və ya digər üçüncü tərəfin bizə ödəniş etməsi üçün sənədləşdiririk. Sağlamlıq planınıza əsasən əvvəlcədən təsdiq tələb edən növbəti müalicə proseduru və ya xidmətlər haqqında sağlamlıq planınız üçün məsuliyyət daşıyan quruma məlumat verə bilərik.
Səhiyyə əməliyyatları – Sağlamlıq məlumatlarından göstərdiyimiz xidmətləri təkmilləşdirmək, tibbi və qeyri-tibbi heyəti təlimatlandırmaq, biznes idarəetməsi, keyfiyyətin qiymətləndirilməsi və yaxşılaşdırılması və müştəri xidmətlərinin yaxşılaşdırılması üçün istifadə edilir. Məsələn, biz sağlamlığınız haqqında məlumatlardan müalicəmizi və xidmətlərimizi təhlil etməkdən və sizə qayğı göstərən heyətimizin fəaliyyətini qiymətləndirmək üçün istifadə edilə bilərik.
Biz həmçinin sizin sağlamlıq haqqında məlumatlarınızdan aşağıdakılar üçün istifadə edə bilərik:
Açıqlamanı tələb edən milli qanunlara əməl etmək
Xəstəliklərin və ya tibbi cihazların izlənilməsi üçün ictimai səhiyyə fəaliyyətlərinə kömək etmək
Sui–istifadə və ya laqeydlik qurbanlarını qorumaq üçün səlahiyyətli orqanları məlumatlandırmaq
Saxtakarlıq və dələduzluq hallarının araşdırılması kimi dövlət səhiyyə nəzarəti fəaliyyətlərinə əməl etmək
Hüquq–mühafizə orqanlarının rəsmilərinə və ya məhkəmə qərarlarına, məhkəmə çağırışlarına və ya qanunla müəyyən edilmiş digər proseslərə cavab vermək
İstintaq, tibbi ekspertlər və dəfn qurumlarının öz vəzifələrini yerinə yetirmək üçün zəruri məlumatlar ilə təmin etmək Məxfilik və tədqiqat ehtiyaclarının tarazlaşdırılmasını təmin etmək məqsədilə daxili analiz protokollarından sonra araşdırma və tədqiqat aparmaq
Sağlamlıq və ya təhlükəsizlik üçün ciddi təhdidin qarşısını almaq
Milli təhlükəsizlik və sağlamlığın mühafizəsini təmin edən xidmətlər kimi ixtisaslaşmış hökümət qurumlarının fəaliyyətlərinin icrasına kömək etmək
Əgər silahlı qüvvələrin üzvüsünüzsə (aktiv və ya ehtiyatda), hərbi və veteranlarla əlaqəli olan dövlət orqanlarını məlumatlandırmaq
İşdə xəsarət almısınızsa, işçilərin kompensasiya daşıyıcılarını və ya işəgötürəni məlumatlandırmaq Müalicə alternativlərini tövsiyyə etmək
Sağlamlıqla əlaqəli məhsullar və xidmətlər haqqında sizə məlumat vermək
Müalicə, ödəniş və ya səhiyyə əməliyyatları üçün təşkilatınız daxilində əlaqə qurmaq
Müalicə, ödəniş fəaliyyətləri və ya keyfiyyətin qiymətləndirilməsi və təkmilləşdirilməsi, qayğının koordinasiyası və tibb mütəxəssisləri üçün ixtisasartırma və təlimlər ilə bağlı səhiyyə əməliyyatları üçün digər təminatçılar, sığorta planları və ya digər əlaqədar qurumlarla əlaqə yaratmaq
Biz həmçinin əməliyyat məqsədləri üçün sizin şəxsi və ya sağlamlıq məlumatlarınızdan istifadə edə və ya onları açıqlaya bilərik. Məsələn biz sizə göstərilən qayğıda və ya həmin qayğı üçün edilən ödənişdə iştirak edən şəxslər, məs. dostlarınız və ailəniz ilə əlaqə saxlaya və təyinat / görüş haqqında xatırlatmalar göndərə bilərik.
Əvvəldə təsvir olunmayan bütün digər istifadə halları və açıqlamalar yalnız sizin icazəniz ilə yerinə yetirilə bilər. Biz həmçinin sizin icazənizi marketinq məqsədləri üçün sağlamlıq məlumatlarınızdan istifadə etməzdən, onları açıqlamazdan və ya məlumatlarınızı üçüncü tərəfə ötürməzdən əvvəl əldə edəcəyik. Siz istənilən vaxt icazənizi geri götürə bilərsiniz; lakin bu əvvəlki istifadə və açıqlama hallarına təsir etməyəcəkdir.
Qanunla bizdən aşağıdakılar tələb edilir: Sağlamlıq haqqında məlumatlarınızın məxfiliyini qorumaq Vəzifələrimiz və məxfilik təcrübələri haqqında bu bildirişi təmin etmək Hal–hazırda qüvvədə olan bildirişin şərtlərinə əməl etmək Sağlamlıq haqqında məlumatlarınıza xələl yetirən pozuntu halları barədə məlumat vermək.
Biz məxfilik praktikalarımızı dəyişdirmək və saxladığımız bütün məlumatlar üçün yeni təcrübələr tətbiq etmək hüququna sahibik. Yenidən işlənmiş bildirişlər Video Doktor vebsaytında və mobil tətbiqində yayımlanacaqdır.
Qanun sizə aşağıdakı hüquqları verir: Sağlamlıq haqqında məlumatlarınızın müəyyən hissələrini yoxlamaq və kopyalamaq. Məhdud hallarda tələblərinizdən imtina edə bilərik. Siz sağlamlığınız haqqında qeydləri sizə elektron formatda təqdim etməyimizi tələb edə bilərsiniz. Sağlamlığınız haqqında məlumatların düzgün olmadığını və ya natamam olduğunu düşündüyünüz halda onların dəyişdirilməsini tələb edə bilərsiniz. Lakin müəyyən hallarda biz bu tələbinizdən imtina edə bilərik. Əvvəlki illər üzrə edilmiş sağlamlığınız haqqında məlumatların müəyyən açıqlanmalarının uçotunu (hesabatını) qəbul etmək, baxmayaraq ki, buraya müalicə, ödəniş və səhiyyə əməliyyatları üçün açıqlamalar daxil deyil. Sağlamlığınız haqqında məlumatlardan necə istifadə etdiyimizi və ya açıqladığımızı məhdudlaşdırmağımızı tələb etmək. Lakin ödəyiciyə təqdim etdiyimiz məlumatları məhdudlaşdırmağımızı tələb etmədiyiniz halda, bizdən sizin tələb və sorğular ilə razılaşmaq tələb olunmur, bu halda, açıqlama ödəyicinin ödənişi və ya səhiyyə əməliyyatları ilə bağlı olmalı və siz səhiyyə xidmətləri üçün tamamilə özünüz ödəniş etmiş olursunuz. Xüsusi telefon nömrəsi, poçt və ya e-poçt ünvanı ilə sizinlə əlaqə saxlamağı tələb etmək. Hətta elektron versiyasını alsanız belə, bu bildirişin kağız nüsxəsini əldə etmək. Biz tələb və sorğuların bəzilərini yazılı şəkildə təqdim etməyi tələb edə bilərik.
Məxfiliyin qorunmadığını düşünürsünüzsə, bununla bağlı öz şikayətinizi bildirə bilərsiniz. Bununla bağlı şikayət etmək və ya bu barədə ətraflı məlumat əldə etmək üçün aşağıdakı ünvan ilə əlaqə saxlayın: [email protected] və ya [email protected]
Bu bildirişdə aşağıdakılara dair səhiyyə (sağlamlıq) təcrübələri təsvir edilir: Sizin sağlamlıq qeydlərinizə giriş hüququ əldə etmək və/və ya məlumatlar daxil etmək səlahiyyətinə malik hər hansı tibb mütəxəssisi “Burla Xatun” və “Burla Xatun Peşəkarları”nın online sağlamlıq xidmətlərini göstərdikləri bütün şöbələr və bölmələr bütün asılı tərəflər və könüllülər.
Məxfilik Siyasətimizin bu Bölməsində (II Bölmə, "Saytın Məxfilik Siyasəti") Saytdan və ya Xidmətlərdən istifadə edən zaman sizdən və / və ya haqqınızda məlumatları necə topladığımız, istifadə etdiyimiz və açıqladığımız təsvir olunur. SAYT SİZİN HAQQINIZDA ŞƏXSİ, TİBBİ VƏ SAĞLAMLIQ İLƏ BAĞLI MƏLUMATLARI TOPLAYACAQ VƏ ÖTÜRƏCƏKDİR. SAYTDAN İSTİFADƏ EDƏRƏK SİZ BİZİM MƏLUMATLARI TOPLAYA VƏ SİZİN ŞƏXSİ VƏ DİGƏR MƏLUMATLARINIZDAN BU SAYTIN MƏXFİLİK SİYASƏTİNDƏ TƏSVİR EDİLDİYİ KİMİ İSTİFADƏ EDƏ BİLƏCƏYİMİZ İLƏ RAZILAŞIRSINIZ. BUNUNLA RAZI DEYİLSİNİZSƏ, SAYTDAN İSTİFADƏ ETMƏMƏYİNİZ XAHİŞ OLUNUR.
Hazırki Məxfilik Siyasətində “Şəxsi Məlumatlar” terminini istifadə etdikdə, sizə aid olan məlumatları, məs., əlaqə məlumatlarınızı (yəni, ad, ünvan, email ünvanı və ya telefon nömrəsi), şəxsən müəyyənləşdirilə bilən sağlamlıq və ya tibbi məlumatları (“Sağlamlıq məlumatları”) və həmin məlumatlar ilə əlaqəli hər hansı digər qeyri–ictimai məlumatları nəzərdə tuturuq. “Müəyyən edilməmiş məlumatlar” terminini istifadə edən zaman biz hər hansı şəxsin şəxsən kimliyini müəyyənləşdirmək üçün istifadə edilməmiş, nə də istifadə edilməsi nəzərdə tutulmayan məlumatları nəzərdə tuturuq. “Cookies” terminindən istifadə edən zaman biz vebsayta baxarkən Saytın sizin brauzerə göndərdiyi kiçik məlumat hissələrini nəzərdə tuturuq. Sonda, “Pixel” terminindən istifadə edərkən, biz, Sayta daxil olmaq üçün istifadə etdiyiniz cihaz və bu Məxfilik Siyasətinə əsasən üçüncü tərəflər ilə paylaşıla biləcək Saytdan istifadəniz haqqında məlumat əldə etmək üçün Saytın müəyyən hissələrində yerləşdirilə bilən HTML kod hissələrini nəzərdə tuturuq.
Biz bilərəkdən 18 yaşından aşağı olan şəxslərə mobil tətbiq və saytımıza daxil olmaq imkanı verən Hesabları yaratmağa və istifadə etməsinə icazə vermirik.
Adınız, yaşınız, email ünvanınız, istifadəçi adınız, parolunuz və digər qeydiyyat məlumatları
Tibbi və ya sağlamlıq tarixçəniz, sağlamlıq vəziyyətiniz və laboratoriya sınaq nəticələriniz, diaqnostik görüntüləriniz və digər sağlamlıq ilə əlaqəli məlumatlarınız ilə bağlı informasiyaların və ya qeydlərin daxil ola biləcəyi, bizə təqdim etdiyiniz sağlamlıq məlumatları
Tibbi və terapiya qeydləri, müalicə və müayinə qeydləri və digər sağlamlıq ilə bağlı məlumatlar kimi
Sayt vasitəsilə klinik xidmətlər göstərən Tibb Mütəxəssisləri tərəfindən hazırlanan və ya haqqınızda əldə olunan sağlamlıq məlumatları
Hansı İnternet Brauzerdən, istifadə etdiyiniz kompüter və ya mobil cihazın növü və Saytdan necə istifadə etdiyiniz haqqında digər məlumatlar kimi istifadə etdiyiniz kompüter və ya mobil cihaz haqqında məlumatlar
Sayt və ya əlaqədar xidmətlərə daxil etdiyiniz digər məlumatlar.
Sizi Xidmətlər ilə təmin etmək
Keyfiyyət analizləri və oxşar fəaliyyətləri yerinə yetirməklə səhiyyə xidmətlərinin keyfiyyətini təkmilləşdirmək
Xidmətlərdən istifadə ilə bağlı məcmu statistika kimi müəyyən edilməmiş məlumatlar hazırlamaq
Sayt yenilikləri mövcud olduqda sizə məlumat vermək
Saytı və Xidmətləri sizə təqdim etmək və təşviq etmək
Şəxsi Məlumatlarınızı bizə təqdim etdiyiniz istənilə digər məqsədi yerinə yetirmək
Sağlamlıq Məlumatlarından istifadə ilə bağlı I Bölmədə təsvir olunan məqsədlər
Bizə icazə verdiyiniz hər hansı digər məqsəd üçün.
Biz həmçinin topladığımız və ya sizin təqdim etdiyiniz Şəxsi Məlumatları aşağıdakı tərəflərə açıqlaya bilərik (I Bölmədə təsvir olunan Sağlamlıq Məlumatlarından istifadə ilə bağlı məhdudiyyətlərə əsasən):
Törəmə müəssisələrimiz və filiallarımıza
Podratçılarımıza, xidmət provayderlərimizə və biznesimizi dəstəkləmək üçün istifadə etdiyimiz və şəxsi məlumatları məxfi saxlamaq üçün müqavilə öhdəlikləri ilə tabe olduğumuz digər üçüncü tərəflərə
Məhkəmə qərarı ilə tələb edildikdə məlumatların təqdim edilməsi də daxil olmaqla, qanunla tələb edilən qaydada
Vicdanla məlumatların açıqlanmasının sizin və başqalarının təhlükəsizliyini qorumaq, hüquqlarımızı qorumaq, saxtakarlıq hallarını aşkarlamaq və ya hökümət sorğusuna cavab vermək üçün zəruri olduğuna inandıqda
Fəaliyyətin fasiləsizliyi prinsipi əsasında və ya müflisləşmə, likvidasiya və ya oxşar icraatın bir hissəsi olmasından asılı olmayaraq, Sayt tərəfindən saxlanılan Şəxsi Məlumatların ötürülən aktivlər arasında olduğu, Burla Xatun aktivlərinin hamısının və ya müəyyən hissəsinin satışı və ya transferi yaxud birləşmə, bölüşdürmə, yenidən təşkil və ləğv zamanı alıcıya və ya digər təyin edilmiş tərəfə.
Məlumatları təqdim etdiyiniz zaman tərəfimizdən açıqlanan hər hansı digər məqsəd üçün.
Sayt və ya Xidmətlərdən istifadə etdikcə, müəyyən məlumatlar, Vahid Resurs Lokatorları (URL- lar) və üçüncü tərəf izləmə xidmətləri, o cümlədən aşağıdakılar haqqında naviqasiya məlumatları və müəyyən məlumatlar Cookies tərəfindən passiv şəkildə toplana bilər:
Saytın fəaliyyəti haqqında məlumatlar. Saytda apardığınız axtarışların məzmunu kimi Saytda yerinə yetirdiyiniz əməliyyatlardan bəzilərinin qeydini apara bilərik.
Giriş cihazı və brauzer məlumatları. Sayta kompüter və ya digər cihazdan daxil olduqda, biz, İnternet protokol ünvanınız, brauzer tipiniz, əlaqə / bağlantı sürəti və giriş vaxtları kimi həmin cihazdan anonim məlumatları toplaya bilərik (ümumilikdə “Anonim məlumatlar”).
Cookies. Biz Sayt və Xidmətlərdən istifadə edilməsini asanlaşdırmaq, reklamımızı daha yaxşı etmək və həm sizi, həm də Burla Xatun–u qorumaq üçün həm sessiya Cookies – dən (veb brauzerinizi bağlayan vaxt qüvvədən düşən), həm də davamlı Cookies – dən istifadə edə bilərik. Siz seçimləri dəyişərək, Cookies–lərin qəbul edilməsini dayandırmaq və daxil olduğunuz vebsaytlardan Cookie qəbul etməzdən əvvəl sizi həvəsləndirmək barədə brauzerinizə göstərişlər verə bilərsiniz. Lakin siz Cookies-ləri qəbul etmədiyiniz halda , Sayta daxil olmuş vəziyyətdə qala bilməyəcəksiniz. Biz həmçinin Sayt və Xidmətlərdən istifadəni asanlaşdırmaq və məsələn istifadə modellərini ümumiləşdirməklə reklamlarımızı daha yaxşı etmək üçün Piksellərdən də istifadə edə bilərik. Hal–hazırda, biz, Saytımızın bütün hissələrində “İzləməyin” ("Do Not Track”) sorğularını təsdiq etmirik. Real vaxt məkanı. Saytın müəyyən xüsusiyyətləri cihazınızın yeri haqqında real vaxt məlumatlarını toplamaq üçün GPS texnologiyasından istifadə edir ki, Sayt sizin olduğunuz ölkədə Xidmətləri təmin etmək üçün lisenziyalaşdırılan və ya səlahiyyətli olan Tibb Mütəxəssisi ilə sizin aranızda əlaqə qura bilsin. Saytımızda Google Maps xidmətlərinə daxil olanda, siz, Google–nun Xidmətlər Şərtləri (Terms of Service) və Məxfilik Siyasəti (Privacy Policy) ilə razılaşmış olursunuz. Mobil xidmətlər. Biz mobil cihazınızdan və ya kompüterinizdən qeyri – şəxsi məlumatları toplaya bilərik. Ümumiyyətlə, bu məlumatlar bizə sizin üçün ən müvafiq məlumatları çatdırmağa kömək etmək üçün istifadə edilir. Toplanıla və istifadə edilə biləcək məlumatlara dair nümunələrə sizin istifadə etdiyiniz cihazın və ya kompüterin növü haqqında məlumatlar və tətbiqdən (lərdən) necə istifadə etdiyiniz daxildir. Bundan əlavə, bizim tətbiq (lər) haqqında mobil cihazınıza məlumat gəldikdə, biz, mobil cihazınızın model proqram təminatı versiyası və cihaz daşıyıcısı haqqında məlumatlar qəbul edəcəyik, bu məlumatlar isə bizə problemləri müəyyənləşdirmək və aradan qaldırmaq və digər şəkildə tətbiqlərimizin performansını təkmilləşdirmək imkanı verir.
Analitika alətləri. Biz istifadəçilərin Saytdan necə istifadə etdiklərini analiz etməyə kömək etmək üçün Google Analytics kimi alətlərdən istifadə edirik. Bu üçüncü tərəflər bizim adımızdan istifadə və cihaz ilə əlaqəli məlumat və verilənləri toplaya və analiz edə bilmək üçün xidmətlərimizdə cookies, API və SDK–lərdən istifadə edə bilərlər. Google Analytics, AppsFlyer və Mixpanel istifadəçilərin Sayta neçə vaxtdan bir daxil olmaları, hansı səhifələrə baxmaları və Sayta daxil olmazdan əvvəl hansı digər saytlardan istifadə etdikləri barədə məlumatları toplamaq üçün Cookies – dən istifadə edirlər. Biz əldə etdiyimiz məlumatlardan Saytımızı və Xidmətlərimizi təkmilləşdirmək üçün istifadə edirik. Google Analytics növbəti dəfə Sayta daxil olduğunuz vaxt sizi unikal istifadəçi kimi müəyyənləşdirməkdən ötrü veb brauzerinizdə davamlı Cookie yaratsa da, Cookie, Google–dan başqa heç kim tərəfindən istifadə edilə bilməz. Google–un Google Analytics tərəfindən sizin Sayta daxil olmağınız haqqında toplanılan məlumatlardan istifadə etməsi və onları paylaşması Google Analytics – in İstifadə Qaydaları və Google–un Məxfilik Siyasəti ilə məhdudlaşdırılır. Siz https://tools.google.com/dlpage/gaoptout/ ünvanında mövcud olan Google Analytics Opt-out Browser Add-on tətbiqini yükləməklə və quraşdırmaqla məlumatlarınızın Google Analytics tərəfindən istifadə edilməsinin qarşısını ala bilərsiniz, o həmçinin Mixpanel –in Sayta daxil olmalarınız haqqında topladığı məlumatlardan istifadə etmək və onları paylaşmaq imkanının ünvanında https://mixpanel.com/terms/ yerləşən Mixpanel İstifadə Qaydaları və https://mixpanel.com/privacy/ ünvanında yerləşən Mixpanel Məxfilik Siyasəti ilə məhdudlaşdırılması ilə də mövcuddur. Siz Saytda olan zaman bu keçid https://mixpanel.com/optout/ üzərində klikləməklə brauzerləriniz vasitəsilə toplanılan məlumatların Mixpanel – tərəfindən avtomatik saxlanılmasından imtina edə bilərsiniz. İmtinaları izləmək üçün Mixpanel cihazlarınızda olan davamlı imtina seçimləri cookie – dən istifadə edir. Siz həmçinin AppsFlyer – in topladığı məlumatların növünü və onun vebsaytına daxil olaraq http://www.appsflyer.com/opt-out və ya [email protected] ünvanına elektron poçt məktubu göndərərək AppsFlyer – in necə imtina edəcəyi barədə məlumatlara rast gələ bilərsiniz.
Bu Sayt Məxfilik Siyasəti yalnız Sayt vasitəsilə və Sayt ilə əlaqədar olaraq elektron poçt, mətn və digər elektron kommunikasiyalarda toplanan məlumatlara şamil olunur. Saytın Məxfilik Siyasəti hər hansı üçüncü tərəf tərəfindən toplanan məlumatlara aid deyil. Saytdakı keçidlər üzərində klikləyən zaman, Saytımızı tərk edə bilərsiniz. Biz digər saytların məxfilik siyasətləri üçün məsuliyyət daşımırıq və sizə onların məxfilik bəyanatlarını oxumağı tövsiyyə edirik.
Üzvlər Sayt vasitəsilə öz məlumatlarından bəzilərini yeniləməyə qadir olacaqlar. Hər hansı məlumatı dəyişdirmək sorğusu həmçinin [email protected] və ya [email protected] ünvanına təqdim edilə bilər.
Siz tərəfimizdən Şəxsi Məlumatlarınızın silinməsini tələb edə bilərsiniz, lakin bizdən bu məlumatları saxlamaq və onları silməmək (və ya müəyyən vaxt ərzində bu məlumatları saxlamaq, bu zaman biz yalnız həmin tələbləri yerinə yetirdikdən sonra sizin məlumatı silmək tələbinizə əməl edəcəyik) tələb oluna bilər (qanunla və ya digər şəkildə). Şəxsi Məlumatları silən zaman onlar aktiv verilənlər bazasından silinəcəkdir, lakin bizim arxivlərimizdə qalacaq və biz həmçinin sizin xidmətlərimizdən istifadəniz haqqında Anonim Məlumatları da saxlaya bilərik. Şəxsi Məlumatlarınızın bəzilərini üçüncü tərəflərə açıqladığımız zaman biz artıq həmin Şəxsi Məlumatlara daxil olmaya bilərik və açıqlamaları etdiyimiz tərəflər tərəfindən hər hansı belə məlumatların silinməsini və ya dəyişdirilməsini tələb edə bilmərik. Şəxsi Məlumatları sildikdən sonra biz müəyyənləşdirilməmiş məlumatları saxlaya bilərik və bu Sayt Məxfilik Siyasətində icazə verilən qaydada Müəyyənləşdirilməmiş Məlumatlardan istifadə etməyə davam edəcəyik.
Şəxsi Məlumatlarınızı icazəsiz girişə qarşı qorumağa kömək etmək üçün şifrələmə kimi əsaslı fiziki, elektron və idarəçilik təhlükəsizlik metodlarından istifadə edirik. Lakin məlumatınız olsun ki, İnternet və ya məlumatların saxlanılması obyekti vasitəsilə ötürülən heç bir məlumatın mükəmməl şəkildə təhlükəsizliyinə zəmanət verilə bilməz. Nəticədə, sizin Şəxsi Məlumatlarınızı qorumağa çalışsaq da, bizə ötürdüyünüz hər hansı məlumatın təhlükəsizliyinə təminat və zəmanət verə bilmərik.
“Burla Xatun” sizə qarşı qanuna əsasən və ya bu Saytın Məxfilik Siyasətində müəyyənləşdirilən qaydada məxfilik hüquqlarınızın hər hansı birini icra etdiyiniz üçün ayrıseçkilik etməyəcəkdir.
Biz gələcəkdə mütəmadi Saytın Məxfilik Siyasətinə dəyişiklik edə bilərik. Biz Saytın Məxfilik Siyasətinin hər hansı yenidən işlənmiş versiyasını bu səhifədə yayımlayacağıq. Həmin dəyişikliklər haqqında bildirişi qəbul etdikdən sonra xidmətlərimizdən istifadəyə davam etməyiniz sizin həmin dəyişikləri qəbul etməyinizi və onların şərtlərinə əməl etməyə razılaşdığınızı göstərəcəkdir. Saytdan istifadə etməklə, siz, Şəxsi Məlumatların və digər məlumatların mövcud olduğu kimi, həm də zamanla dəyişiklik edildiyi kimi bu Saytın Məxfilik Siyasətində təsvir edilən qaydada toplanması, istifadə edilməsi və kənarlaşdırılması ilə razılaşırsınız.
“Burla Xatun”–un Məxfilik Siyasətində (I və II Bölmələr) böyük hərflər ilə verilən, burada izah edilməyən bütün terminlər “Burla Xatun” İstifadə Qaydalarında müəyyənləşdirilən mənanı kəsb edəcəklər.
Məxfilik Təcrübələrimiz ilə bağlı sualınız olarsa və ya hər hansı bir pozuntu halı barədə məlumat vermək istədiyiniz halda [email protected] və ya [email protected] ünvanına elektron poçt məktubu göndərərək bizim ilə əlaqə saxlamağınız xahiş olunur.